Hálsbólga

Hálsbólga (e. sore throat) er í um 90% tilvika af völdum veirusýkingar, til dæmis ef fólk er kvefað. Í þeim tilfellum ætti hálsbólgan að læknast af sjálfu sér á viku og oftast er óþarfi að leita til heilsugæslunnar. Hins vegar getur hálsbólga líka verið af völdum baktería sem nefnast streptókokkar en það er sjaldgæfara eða í um 10% tilfella. Ef hálsbólga er vegna streptókokka þarf langoftast að gefa sýklalyf. Særindi í hálsi geta líka verið vegna ofnæmis eða reykinga.

• Hægt er að fá streptókokka próf í apótekum sem taka má heima
• Hvíld
• Taka verkjalyf sem fást í apótekum án lyfseðils. Á sérlyfjaskrá má finna fylgiseðla lyfja.
• Drekka vel
• Sumum finnst gott að fá sér heitt sítrónuvatn með hunangi
• Nota hálstöflur (ekki fyrir börn undir 4 ára) eða hunang til að draga úr óþægindum og hósta
• Taka minni en fleiri sopa ef sárt er að kyngja
• Sumum finnst gott að fá raka, til dæmis með að skrúfa frá heita vatninu inni á lokuðu baðherbergi
• Forðast reykingar
• Halda sig heima þar til þú hefur verið hitalaus í sólarhring

Leita til heilsugæslunnar ef:

• Þú hefur einkenni steptókokkahálsbólgu, sjá hér að ofan
• Streptókokka próf er jákvætt
• Ungt barn með kvef eða hálsbólgu fer að slefa meira en venjulega
• Þú færð útbrot
• Þú færð liðverki
• Gengur illa að drekka vökva og hætta er á ofþornun
• Þú ert með veiklað ónæmiskerfi, til dæmis vegna sykursýki eða krabbameinsmeðferðar
• Þú ert með háan hita og hroll
• Einkenni lagast ekki innan nokkurra daga eða versna

Leita til bráðamóttöku strax ef:

• Þú átt í vandræðum með andardrátt
• Þú getur alls ekki kyngt
• Ef það heyrist flaut (hátíðnihljóð) við öndun
• Tungan eða hálsinn er orðin bólginn og heftir öndun

Finna næstu bráðamóttöku eða heilsugæslustöð.