Flatlús

Flatlús (e. Pubic lice) er sníkjudýr og finnst oftast í hárum við kynfæri. Lúsin getur einnig fundist í líkamshárum á öðrum stöðum svo sem í handakrika, bringuhárum, augabrúnum og augnhárum. Flatlús er sjaldgæf í hársverði.

Lúsin er um 2mm að lengd, grábrún að lit en verulega sjaldgæft er að sjá hana með berum augum. Einkenni koma oftast fram nokkrum vikum eftir smit, þau helstu eru:

• Staðbundinn kláði, oft verri á nóttunni 
• Litlir rauðir eða dökkir blettir á húðinni í kring, geta verið merki um lúsarbit
• Litlar hvítar eða gular kúlur á hárum, geta verið merki um nit/egg lúsarinnar

• Náin snerting, algengst er að lúsin smitist við kynmök
• Deila handklæðum, sængurfatnaði eða fötum með einstakling með flatlús

Smokkur og aðrar getnaðarvarnir koma ekki í veg fyrir smit við flatlús en geta varið fólk gegn öðrum kynsjúkdómum. 

• Bera lúsadrepandi krem á alla hærða staði. Hægt er að kaupa lúsaáburð án lyfseðils í apóteki. 
• Bíða með allan líkamsþvott í tvo sólarhringa eftir að krem er borið á.
• Bólfélagi og heimilisfólk á að fá meðferð á sama tíma svo smit endurtaki sig ekki, hvort sem einkenni eru til staðar eða ekki. 

Flatlús fer ekki án meðferðar.

• Ekki deila fötum, handklæði eða rúmfötum með öðru fólki ef grunur er um smit
• Ekki stunda kynmök á meðan meðferð við flatlús stendur
• Ryksuga rúmdýnuna
• Þvo rúmföt, handklæði og föt eða setja föt og aðra tauhluti í lokaðann poka í að minnsta kosti viku til þess að koma í veg fyrir endursmit

Ef grunur er um flatlús eða ef óskað er eftir að láta skima fyrir kynsjúkdómum er hægt að bóka tíma á heilsugæslu eða hjá göngudeild kynsjúkdóma Landspítalans í síma 543-6050 milli kl 08:15-15:00 eða á smáforriti Landspítalans. 

Finna næstu heilsugæslu hér.