Bólga í blöðruhálskirtli

Blöðruhálskirtillinn er lítill kirtill sem liggur á milli getnaðarlims og þvagblöðru. Hlutverk hans er að framleiða sáðvökva sem nærir og verndar sáðfrumur. Blöðruhálskirtillinn getur bólgnað (e. prostatitis) sem veldur oftast óþægindum. 

• Bráð blöðruhálskirtilsbólga orsakast oftast þegar bakteríur komast upp þvagrásina og inn í blöðruhálskirtilinn
• Langvarandi bólga í kirtlinum getur komið án sýkingar og erfitt getur verið að finna orsökina

Bráð bólga í blöðruhálskirtli

• Blóð í þvagi
• Erfiðleikar með að byrja þvaglát
• Sárir verkir á kynfærasvæði. Í eða við getnaðarlim, pung og/eða endaþarm
• Sársaukafullir verkir neðarlega í kvið, í mjóbaki eða við hægðir
• Sársauki við þvaglát
• Tíð þvaglát (einkum á nóttunni) og/eða bráð þvaglátsþörf
• Slappleiki og vanlíðan ásamt verkjum og/eða háum hita
• Verkir í mjóbaki við sáðlát
• Þvagteppa

Langvinn bólga í blöðruhálskirtli

Eitt eða fleiri af eftirfarandi einkennum hefur verið til staðar í þrjá mánuði eða lengur:

• Verkur á kynfærasvæði. Í eða við getnaðarlim, pung eða endaþarm
• Verkur neðarlega í kvið eða í mjóbaki
• Sársauki við þvaglát
• Tíð eða bráð þvaglátaþörf
• Næturþvaglát (oftar en einu sinni á nóttu) 
• Erfitt að tæma þvagblöðruna eða erfiðleikar að hefja þvaglát
• Vandamál tengd kynlífi til dæmis riserfiðleikar, sársauki við sáðlát eða verkir í grindarholi eftir kynlíf
• Stækkaður eða aumur blöðruhálskirtill við endaþarmsskoðun

Aukin hætta er á bráðri bólgu í blöðruhálskirtli ef eftirfarandi á einnig við:

• Áverkar á grindabotn
• Endaþarmsmök
• HIV og/eða alnæmi
• Kynsjúkdómur
• Þvagfærasýking
• Þvagleggur er í þvagrás

Hætta á langvinnri bólgu í blöðruhálskirtli hækkar ef:

• Aldur er yfir 50 ára
• Fyrri saga um bólgu í blöðruhálskirtli
• Meltingarfærakvillar eru til staðar

Meðferð fer eftir einkennum og sögu en dæmi um lyfjameðferð er:

• Hægðalosandi lyf
• Sýklalyf
• Verkjalyf
• Vöðvaslakandi lyf

Leita til næstu heilsugæslu ef:

• Ofangreind einkenni eru til staðar

Leita til bráðamóttöku ef:

• Þvagteppa á sér stað 
• Einkenni eru slæm

Finna næstu heilsugæslu eða bráðamóttöku hér.