Hvert er hægt að leita?

Hikaðu ekki við að leita hjálpar ef þú þarft á því að halda. Hvort sem það ert þú sem þarft aðstoð eða einhver sem þér er annt um þá getur þú leitað aðstoðar. Sumir geta leitað til fjölskyldu sinnar eða góðra vina en svo eru líka opinberir aðilar og samtök sem geta komið til aðstoðar. Þú getur líka fengið aðstoð hér á síðunni til að ákveða hvert skal leita ef þú ert ekki viss. Netspjall Heilsuveru er opið frá 8 til 22 alla daga. Mál er hægt að tilkynna til barnaverndar með símtali í 112. Vefsvæði 112.is. Einnig í boði netspjall fyrir þolendur ofbeldis og aðra sem þurfa aðstoð.

Að auki eru fjölmargir sjálfstætt starfandi sérfræðingar sem veita meðferð. Stundum niðurgreiða stéttarfélög slíka meðferð. Hafið í huga að um sé að ræða löggilda starfsstétt og að viðkomandi hafi þekkingu á meðferð ofbeldismála. Sem dæmi má nefna sálfræðinga og félagsráðgjafa.

Árin 2012-2015 starfaði sérstök Vitundarvakning um kynferðislegt, andlegt og líkamlegt ofbeldi gegn börnum. Á vefsvæði verkefnisins má finna fjölmargt gagnlegt efni, t.d. fræðslumyndbönd fyrir börn.