Regluleg hreyfing er mikilvæg til að viðhalda líkamlegri og andlegri getu og vellíðan. Raunhæf markmið, hæfilegur stígandi í álagi og góð beiting líkamans eru dæmi um atriði sem einkenna hreyfingu sem heilsurækt. Óraunhæfar væntingar, of mikið álag og röng beiting líkamans stuðla hins vegar að meiðslum og vanlíðan.
- Samanber opinberar ráðleggingar um hreyfingu ættu fullorðnir að hreyfa sig reglulega.
- Í hverri viku ætti að hreyfa sig rösklega í minnst 150-300 mínútur. Einnig er hægt að hreyfa sig kröftuglega og þá í minnst 75-150 mínútur í viku, eða stunda blöndu af sambærilegu magni af rösklegri og kröftugri hreyfingu.
- Minnst 2 daga vikunnar ætti að stunda hreyfingu sem styrkir vöðva.
Með því að hreyfa sig lengur eða með meiri ákefð er mögulegt að bæta heilsuna enn frekar. Þannig má hreyfa sig rösklega í meira en 300 mín (5 klst.) á viku eða hreyfa sig kröftuglega í meira en 150 mín (2,5 klst.) á viku. Það bætir enn frekar þol, vöðvastyrk, liðleika, jafnvægi og beinheilsu og eykur líkurnar á hreysti á efri árum. Einstaklingsbundið er hvar efri mörkin liggja fyrir aukna hættu á meiðslum og ofþjálfun.
Dæmi eru röskleg ganga, hjóla, synda, dansa, bogfimi, boccia og heimilisþrif.
Dæmi eru kröftug lotuþjálfun, hjóla eða synda hratt, körfubolti, frjálsar íþróttir og önnur hreyfing stunduð af krafti.
Dæmi eru röskleg ganga, hjóla, synda, dansa, bogfimi, boccia og heimilisþrif.
Dæmi eru kröftug lotuþjálfun, hjóla eða synda hratt, körfubolti, frjálsar íþróttir og önnur hreyfing stunduð af krafti.
Hreyfing gegnir lykilhlutverki í að viðhalda og bæta heilsu og líðan fullorðinna, þar með talið þeirra sem eru með langvarandi líkamlega eða andlega skerðingu eða skerta skynjun. Með reglulegri hreyfingu við hæfi má til dæmis efla almenna færni í daglegu lífi og auka lífsgæði hjá fólki með fötlun.
Æskilegast er að stunda reglulega hreyfingu alla ævi en það er aldrei of seint að byrja. Mikilvægast er takmarka þann tíma sem varið er í kyrrsetu og velja fjölbreytta hreyfingu í samræmi við getu og áhuga. Hreyfing í góðum félagsskap er hvetjandi fyrir marga.
Hafir þú ekki hreyft þig reglulega gæti hreyfiseðillinn verð eitthvað fyrir þig.
Hvar eru sóknarfærin þín þegar kemur að aukinni hreyfingu?
Kyrrseta: Fullorðnir ættu að takmarka þann tíma sem varið er í kyrrsetu. Það hefur jákvæð áhrif á heilsuna að skipta út tíma í kyrrsetu fyrir hreyfingu af hvaða ákefð sem er.
Hegðun hefur mest áhrif á lífsgæði og líðan að erfðum undanskildum. Sjáðu hvernig staðan er hjá þér.
