Hreinsa eyrnamerg

Eyrun framleiða eyrnamerg til þess að vernda eyrnagöngin frá óhreinindum. Mikil myndun eyrnamergs getur þó valdið vandræðum. Ef hlustin lokast vegna eyrnamergs þá getur það valdið minnkun á heyrn eða tímabundnu heyrnarleysi þar sem hljóðbylgjurnar komast ekki lengur að hljóðhimnunni. 

Sumir mynda harðan eyrnamerg sem getur þá valdið sársauka þar sem hann þrýstir á hlustina. Hlustin deilir taugum með kokinu og því getur þetta valdið ertingu og/eða hósta í kokinu.

• Hella fyrir eyra  
• Heyrnarskerðing  
• Suð í eyra (e. tinnitus)
• Svimi eða ógleði (vegna vertigo)  
• Verkir í eyra 

• Bólga í ytra eyra  
• Fyrri saga um aðgerð á eyra  
• Húðvandamál í eða við eyra  
• Mikill hárvöxtur í eyra
• Notkun eyrnapinna eða annað sem sett er inn í eyru
• Notkun heyrnartækja
• Sár í eyrnagöngum
• Þröng eyrnagöng

Börn eru líklegri til að fá upphleðslu eyrnamergs í eyra þar sem eyrnagöng eru minni og þrengri en hjá fullorðnum einstaklinum.

• Eyrnaskolun. Ráðlagt er að nota eyrnadropa í eyrað í 3-5 daga áður en eyrnaskolun á heilsugæslustöð er reynd. 

• Sýking í ytra eyra (otitis externa) 
• Tímabundin heyrnarskerðing 

Lang oftast hreinsa eyrun eyrnamerginn út sjálfkrafa. Ef ekki er hægt að:

• Nota eyrnadropa eða olíur sem leysa upp eyrnamerg. Hægt er að kaupa dropa í apóteki. Gott er að nota dropa í 3-5 daga og allt að fimm sinnum á dag. Oft dettur eyrnamergurinn þá sjálfur út en annars er hægt að skola eyrað með sturtuhaus.
• Gott er að setja dropa í eyrun þegar einstaklingur er liggjandi, þá dreifist olían.
• Skipta um sápur og hárvörur ef kláði og óþægindi eru í eyra.
• Ekki er ráðlagt að nota dropa í eyru ef áverki er á eyra eða ef hljóðhimnan er sprungin.

Leitaðu til heilsugæslunnar ef: 

• Bólga er í kringum eyra 
• Ef eitt af ofangreindum einkennum eru í báðum eyrum 
• Einkenni eru ekki batnandi eftir fimm daga meðferð með eyrnardropum
• Mikill verkur í eyra og búið að taka verkjalyf og reyna dropa í eyra 

Finna næstu heilsugæslu hér.